nyhende
Åtvarar studentar mot utleigesvindel på sosiale medium
Kampen om studentbustadane er i gang, og svindlarar utnyttar unge bustadjaktarar. Frende Forsikring ber no studentar vera ekstra på vakt før studiestart.
Fleire studentar risikerer å bli lurde av falske bustadannonsar på sosiale medium i vekene før studiestart. Ifølgje Frende Forsikring tek svindlarar ofte kontakt i kommentarfelt under ekte bustadannonsar og prøver å flytta samtalen over til e-post eller meldingar.
– Svindlarar veit at mange har dårleg tid og føler dei må slå til raskt for å vinna kampen om bustaden, seier tryggingsspesialist Torgeir Pettersen i Frende Forsikring.
Han åtvarar mot å betala depositum eller senda kopi av legitimasjon før bustaden er sett og leigekontrakt er signert.
– Dei prøver å stressa deg til å ta raske avgjerder i frykt for å mista bustaden, seier Pettersen.
Annonse
Frende anbefaler å undersøkja utleigar nøye, gjera biletet-søk av annonsen og aldri betala til ein privat konto i staden for ein lovpålagd depositumskonto.
(©NPK)