Personvernerklæring for Vestavind AS
Sist oppdatert: 16.10.2026
Vestavind tek personvernet ditt på alvor. I denne personvernerklæringa forklarer me korleis me samlar inn, bruker, lagrar og deler personopplysningar når du besøker nettsida vår, abonnerer på avisa, kontaktar oss eller bruker tenestene våre.
Me behandlar personopplysningar i samsvar med gjeldande personvernlovgiving. Kva opplysningar me behandlar, er avhengig av kva tenester du bruker og korleis du er i kontakt med oss.
1. Kven er ansvarleg for personopplysningane?
Vestavind AS – Bygdeblad for Sveio er behandlingsansvarleg for personopplysningane me behandlar i verksemda vår.
Kontaktinformasjon:
Verksemd: Vestavind AS – Bygdeblad for Sveio
Organisasjonsnummer: 943 949 670
Adresse: Sveiogata 72, 5550, Sveio
E-post: post@vestavind.no
Telefon: 53 74 01 80
Som behandlingsansvarleg avgjer Vestavind formålet med behandlinga av personopplysningar og kva hjelpemiddel som blir nytta, innanfor rammene av gjeldande lovgiving.
2. Kva personopplysningar samlar me inn?
Me kan samle inn og behandle ulike typar personopplysningar, avhengig av korleis du bruker tenestene våre.
Dette kan mellom anna vere:
Kontaktopplysningar, som namn, adresse, e-postadresse og telefonnummer.
Kundeopplysningar, som abonnementsnummer, abonnementsstatus og informasjon om kva tenester du har tilgang til.
Betalings- og fakturaopplysningar som er nødvendige for å administrere abonnement og betaling.
Opplysningar du sjølv sender til oss gjennom e-post, kontaktskjema, tips, lesarinnlegg, bilete, konkurransar eller andre førespurnader.
Tekniske opplysningar om besøket ditt på nettsida, som nettlesar, eining, IP-adresse og bruk av nettsida, i den grad slike opplysningar blir samla inn.
Opplysningar om vala dine knytte til informasjonskapslar og samtykke.
Me prøver å avgrense innsamlinga til opplysningar som er nødvendige for det aktuelle formålet.
3. Kvifor behandlar me personopplysningar?
Me behandlar personopplysningar til følgjande formål:
Administrasjon av abonnement og kundeservice
Når du teiknar abonnement, opprettar ein brukarkonto eller kontaktar kundeservice, behandlar me opplysningar som er nødvendige for å administrere kundeforholdet, levere avisa, handtere betalingar og svare på førespurnader.
Behandlinga skjer normalt fordi ho er nødvendig for å oppfylle avtalen med deg, eller for å oppfylle rettslege plikter me har.
Drift og utvikling av nettsida
Me kan behandle tekniske opplysningar og statistikk om bruken av nettsida for å sikre stabil drift, oppdage feil og vidareutvikle innhald og funksjonalitet.
Det rettslege grunnlaget blir vurdert ut frå kva opplysningar som blir behandla, og kva formål behandlinga har. Der behandlinga krev samtykke, innhentar me dette før behandlinga tek til.
Marknadsføring og informasjon
Me kan bruke kontaktopplysningar til å sende relevant informasjon om abonnement, tenester og tilbod frå Vestavind når me har lovleg grunnlag for det.
Du kan reservere deg mot marknadsføring frå oss. Dersom behandlinga byggjer på samtykke, kan du trekkje samtykket tilbake når som helst. Ved elektronisk marknadsføring følgjer me også reglane som gjeld for den aktuelle kommunikasjonskanalen.
Tips, lesarinnlegg og redaksjonelt materiale
Når du sender oss tips, bilete, video, lesarinnlegg eller anna materiale, kan me behandle kontaktopplysningane dine og innhaldet du sender inn, for å vurdere, følgje opp og eventuelt publisere materialet.
Me kan kontakte deg dersom me treng meir informasjon eller ønskjer å avklare forhold knytte til materialet.
Innsendt materiale kan innehalde personopplysningar om deg eller andre personar. Me vurderer behandling og eventuell publisering i samsvar med dei reglane og omsyna som gjeld for journalistisk verksemd, mellom anna personvern, presseetikk og omsynet til dei som er omtalte eller avbilda.
At du sender inn materiale, inneber ikkje automatisk at det blir publisert.
Konkurransar og arrangement
Dersom du deltek i ein konkurranse eller melder deg på eit arrangement, behandlar me opplysningane som er nødvendige for å administrere deltakinga, kontakte deg og eventuelt dele ut ein premie.
Informasjon om eventuell vidare bruk av opplysningane, til dømes til marknadsføring, blir gitt særskilt når det er nødvendig.
4. Kva er det rettslege grunnlaget for behandlinga?
Me behandlar personopplysningar på eitt eller fleire av følgjande grunnlag, avhengig av formålet:
Avtale: Når behandlinga er nødvendig for å levere eit abonnement eller oppfylle ei avtale med deg.
Rettsleg plikt: Når lovgivinga krev at me behandlar eller oppbevarer bestemte opplysningar, til dømes rekneskapsopplysningar.
Samtykke: Når du frivillig har samtykt til ei bestemt behandling, til dømes der samtykke er nødvendig for bruk av ikkje-nødvendige informasjonskapslar.
Legitime interesser: Når me har ei sakleg interesse i behandlinga, og denne ikkje veg tyngre enn rettane og interessene dine. Me vurderer dette konkret for kvar behandling.
Det rettslege grunnlaget blir fastsett for det enkelte formålet. Me bruker ikkje samtykke som grunnlag for behandling som i staden er nødvendig for å oppfylle ei avtale eller ei rettsleg plikt.
5. Informasjonskapslar og liknande teknologi
Vestavind.no kan bruke informasjonskapslar (cookies) og liknande teknologiar for at nettsida skal fungere, hugse innstillingar, analysere trafikk og vise annonser.
Informasjonskapslar er små datafiler som kan lagrast på datamaskina, nettbrettet eller mobiltelefonen din. Andre teknologiar kan også lagre informasjon på eininga eller hente informasjon frå henne.
Me skil mellom:
Nødvendige informasjonskapslar, som er nødvendige for funksjonar du ber om, eller for at nettsida skal fungere.
Analyse- og statistikkteknologiar, som kan hjelpe oss med å forstå korleis nettsida blir brukt.
Marknadsførings- og annonseteknologiar, som kan brukast til å vise, avgrense eller måle annonser.
Der lovgivinga krev samtykke, blir dette innhenta før teknologien blir teken i bruk. Du skal kunne avslå valfri sporing utan at det blir vanskelegare enn å godta henne. Du skal også kunne endre eller trekkje tilbake samtykket ditt.
6. Analyse og statistikk
Me kan bruke analyseverktøy for å forstå korleis lesarane bruker Vestavind.no, til dømes kva sider som blir besøkte, kor lenge besøk varer, og kva innhald som er mest brukt.
Me bruker slik informasjon til å evaluere og vidareutvikle nettavisa.
Analyseverktøy kan behandle tekniske identifikatorar eller andre opplysningar som kan reknast som personopplysningar. Kva som blir samla inn, avheng av verktøyet og innstillingane våre.
Der det er nødvendig, innhentar me samtykke før innsamlinga startar.
7. Annonsar og annonsemåling
Vestavind kan bruke annonsetenester, mellom anna Google Ad Manager, for å administrere og vise annonser på nettsida.
Avhengig av innstillingane kan slike tenester behandle opplysningar om eininga, nettlesaren, annonsevisingar, interaksjonar og tekniske identifikatorar. Dette kan vere nødvendig for å levere annonser, måle resultat eller avgrense kor ofte ein annonse blir vist.
Eventuell personalisert annonsering eller anna sporing som krev samtykke, skal ikkje starte før gyldig samtykke er innhenta.
Informasjon om dei aktuelle leverandørane, formåla og vala dine skal vere tilgjengeleg gjennom samtykkeløysinga og den oppdaterte cookie-oversikta.
8. Kven deler me personopplysningar med?
Me deler berre personopplysningar når det er nødvendig og har eit gyldig rettsleg grunnlag.
Dette kan omfatte leverandørar som hjelper oss med:
Publisering og teknisk drift av nettsida.
Abonnement, innlogging og kundeadministrasjon.
Betaling og fakturering.
Skjemaløysingar og kommunikasjon.
Analyse, statistikk og annonsering.
Videoavspeling og anna innebygd innhald.
Leverandørar som behandlar personopplysningar på våre vegner, vil normalt vere databehandlarar. Der det er nødvendig, inngår me databehandlaravtalar som regulerer korleis opplysningane kan behandlast og sikrast.
Nokre tenesteleverandørar kan ha ei sjølvstendig rolle som behandlingsansvarleg. Dette blir vurdert for kvar teneste.
Våre leverandørar:
Labrador CMS / Publish Lab: Me bruker Labrador CMS til publisering og drift av Vestavind.no. Når du bruker nettsida, kan systemet behandle tekniske opplysningar som IP-adresse, nettlesar- og einingsinformasjon og informasjon om kva sider du besøker. Opplysningane kan vere nødvendige for å levere innhald, sikre og drifte nettsida og feilsøkje tekniske problem. Kva opplysningar som blir behandla, kjem an på funksjonane som er aktiverte på nettsida.
Sesamy: Me bruker Sesamy til å administrere abonnement og tilgang til digitalt innhald på Vestavind.no. I samband med kjøp og administrasjon av abonnement kan Sesamy behandle opplysningar som namn, e-postadresse, abonnements- og kjøpsinformasjon, betalingsstatus og opplysningar som er nødvendige for innlogging og kundebehandling. Opplysningane blir brukte til å opprette og administrere abonnement, gjennomføre betalingar og handtere spørsmål frå abonnentane. Betalingsopplysningar kan også bli behandla av den aktuelle betalingstenesta, avhengig av betalingsmåten du vel.
BuyAndRead: Me bruker BuyAndRead til å gjere e-avisa til Vestavind tilgjengeleg digitalt. I samband med bruk av tenesta kan BuyAndRead behandle tekniske opplysningar som IP-adresse, nettlesar- og einingsinformasjon og informasjon om bruk av e-avisa, til dømes kva avisutgåver som blir opna eller lesne. Opplysningane blir brukte til å levere e-avisa og sikre og drifte tenesta. Administrasjon av abonnement og betaling blir handtert av Sesamy, som er abonnementsleverandøren vår.
Kilkaya: Me bruker Kilkaya til å analysere bruken av Vestavind.no og få statistikk om korleis lesarane bruker nettsida. Dette kan omfatte tal på sidevisingar, klikk, lesetid og unike eller aktive brukarar. IP-adressa blir motteken i samband med førespurnader, men Kilkaya opplyser at ho blir sletta før opplysningane blir lagra på serverane deira. Dersom Vestavind har aktivert ein førsteparts informasjonskapsel for å måle unike brukarar, kan denne bli brukt til å skilje mellom besøk utan å identifisere enkeltpersonar direkte.
Tally: Me bruker Tally til digitale skjema på Vestavind.no. Når du sender inn eit skjema, behandlar Tally opplysningane du sjølv fyller inn, til dømes namn, kontaktinformasjon og innhaldet i meldinga. Kva opplysningar som blir samla inn, kjem an på kva det aktuelle skjemaet spør etter. Tally behandlar opplysningane på våre vegner for å ta imot og lagre innsendingane. Opplysningane blir lagra så lenge det er nødvendig for formålet, i samsvar med rutinane våre for lagring og sletting.
Google Ad Manager brukes til å administrere og vise annonser på Vestavind.no. I samband med annonsevising kan Google behandle tekniske opplysningar om nettlesaren og eininga di, IP-adresse, informasjon om kva sider og annonsar som blir viste, og identifikatorar frå informasjonskapslar eller liknande teknologi. Opplysningane kan brukast til å levere annonsar, avgrense kor ofte same annonse blir vist, måle annonseeffekt og førebyggje svindel. Der det er aktivert og tillate, kan opplysningane også brukast til å tilpasse annonser. Kva opplysningar som blir behandla, kjem mellom anna an på annonseinnstillingane og samtykket ditt.
YouTube: Me kan byggje inn videoar frå YouTube i artiklar på Vestavind.no. Når du opnar ei side med ein slik video, kan tekniske opplysningar om nettlesaren og eininga di, IP-adressa og informasjon om avspelinga bli sende til Google/YouTube. YouTube kan bruke informasjonskapslar og liknande teknologi i samsvar med innstillingane for den innebygde spelaren. Dersom me bruker YouTube sitt personvernforbetra innebyggingsmodus, kan dette avgrense bruken av opplysningar til personalisering, men det inneber ikkje at all datainnsamling blir hindra.
Vimeo: Me kan bruke Vimeo til å vise videoar på Vestavind.no. Når ein Vimeo-video blir lasta inn eller spelt av, kan Vimeo behandle tekniske opplysningar, IP-adresse, informasjon om avspeling og identifikatorar som blir brukte til å lage statistikk om videovisningar og hugse spelarinnstillingar. Vimeo kan bruke informasjonskapslar og liknande teknologi. Kva som blir samla inn, og kor lenge opplysningane blir lagra, kjem mellom anna an på innstillingane for videospelaren.
9. Kor lenge lagrar me personopplysningar?
Me lagrar personopplysningar så lenge det er nødvendig for formålet dei blei samla inn for, eller så lenge me er pålagde å oppbevare dei etter lovgivinga.
Lagringstida varierer mellom ulike typar opplysningar:
Abonnementsopplysningar: Så lenge det er nødvendig for å administrere kundeforholdet og handtere eventuelle krav. Me reknar deg som «aktiv kunde» i 13 månader etter siste aktive abonnement. Enkelte opplysningar kan måtte oppbevarast lenger av omsyn til lovkrav.
Betalings- og rekneskapsopplysningar: Så lenge gjeldande rekneskapsreglar krev det.
Førespurnader og kundeservice: Så lenge det er nødvendig for å følgje opp saka og dokumentere handteringa.
Tips og redaksjonelt materiale: Etter ei konkret vurdering av redaksjonelle behov, dokumentasjonsbehov og gjeldande regelverk.
Konkurransar og arrangement: Så lenge det er nødvendig for å administrere deltakinga, kontakte vinnarar og handtere eventuelle krav.
Analyse- og cookie-data: I samsvar med innstillingane og lagringstidene til dei aktuelle verktøya, og eventuelle samtykkeval.
Når opplysningane ikkje lenger er nødvendige, blir dei sletta eller anonymiserte, med mindre me har eit lovleg grunnlag for vidare oppbevaring.
10. Marknadsføring og reservasjon
Me kan sende informasjon og marknadsføring om Vestavind og tenestene våre når dette er tillate etter gjeldande regelverk.
Kva grunnlag me kan bruke, avheng mellom anna av om du er abonnent, kva slags marknadsføring det gjeld, og kva kanal me bruker.
Du kan når som helst reservere deg mot direkte marknadsføring frå oss. Du kan bruke avmeldingslenkja i ei melding dersom ho finst, eller kontakte oss på post@vestavind.no.
Dersom du trekkjer tilbake eit samtykke, sluttar me med den behandlinga som byggjer på samtykket. Dette påverkar ikkje lovlegheita av behandling som allereie har skjedd.
Ei reservasjon mot marknadsføring påverkar ikkje nødvendige meldingar om abonnement, betaling eller andre forhold knytte til kundeforholdet.
11. Rettane dine
Når me behandlar personopplysningar om deg, har du fleire rettar etter personvernregelverket. Kva rettar som gjeld, kan avhenge av formålet med behandlinga og eventuelle lovlege unntak.
Du kan mellom anna ha rett til å:
Be om innsyn i personopplysningane me behandlar om deg.
Be om retting dersom opplysningane er feil eller ufullstendige.
Be om sletting når vilkåra for dette er oppfylte.
Be om avgrensing av behandlinga i tilfelle der regelverket gir rett til det.
Protestere mot behandling som byggjer på legitime interesser, når vilkåra for dette er oppfylte.
Trekkje tilbake samtykke når behandlinga byggjer på samtykke.
Be om dataportabilitet når vilkåra for denne retten er oppfylte.
Nokre rettar er avgrensa av lovgivinga. Det kan til dømes vere tilfelle når opplysningane må oppbevarast etter lovkrav, eller når omsynet til journalistisk verksemd og pressefridom påverkar kva rettar som kan gjerast gjeldande.
For å bruke rettane dine kan du kontakte oss på post@vestavind.no. Me vil behandle førespurnaden i samsvar med gjeldande regelverk.
12. Tryggleik
Me arbeider for å verne personopplysningane mot utilsikta tap, endring, misbruk og uautorisert tilgang.
Dette omfattar relevante tekniske og organisatoriske tryggingstiltak, tilgangsstyring og rutinar for handtering av personopplysningar.
Tilgang til opplysningane skal vere avgrensa til personar og leverandørar som har eit sakleg behov for dei.
13. Barn og personopplysningar
Vestavind kan motta tips, bilete og anna materiale som inneheld opplysningar om barn.
Når me behandlar eller vurderer å publisere opplysningar om barn, legg me vekt på personvernet, tryggleiken og interessene til barnet. Me vurderer kva opplysningar som er nødvendige, og om det er grunnlag for å publisere materialet.
Føresette, avbilda personar eller andre som har spørsmål om behandling av personopplysningar, kan kontakte oss.
14. Klage til Datatilsynet
Dersom du meiner at me behandlar personopplysningar i strid med regelverket, ber me deg gjerne kontakte oss først, slik at me kan undersøkje saka.
Du har også rett til å klage til Datatilsynet dersom du meiner at behandlinga vår bryt med personvernregelverket.
Du finn informasjon om rettane dine og korleis du klagar på datatilsynet.no.
15. Endringar i personvernerklæringa
Me kan oppdatere personvernerklæringa dersom behandlinga av personopplysningar endrar seg, eller dersom det kjem nye krav i lovgivinga.
Den til kvar tid gjeldande versjonen vil vere tilgjengeleg på Vestavind.no. Ved vesentlege endringar vil me informere om dette når det er nødvendig.
Har du spørsmål om personvern eller behandlinga av personopplysningar hos Vestavind, kan du kontakte oss på post@vestavind.no.