nyhende
Auke i opplagstalet trass store endringar
Etter skifte til fleire nye system 1. halvår, var det knytt ei viss spenning til om Vestavind kom til å få like gode tal første halvår 2026 som i 2025. Det gjorde me! Seks fleire abonnentar enn på same tid i fjor.
Publisert
Sist oppdatert
Opplagstala blir berekna to gonger i halvåret og samanlikna med 1. og 2. halvår året før. Skifte til nytt abonnementsystem, ny nettside og endring frå vestavind-sveio.no til vestavind.no, gav i år både abonnentane og Vestavind utfordringar over ein periode 1. halvår.
Når så mange endringar skjer på ein gong, er det alltid spennande om talet på abonnentar endrar seg meir enn vanleg. At me til slutt kom ut med ein auke på 6 abonnentar, er me svært nøgde med. Det offisielle talet er 1.581 abonnentar mot 1.575 1. halvår i fjor.
Over 80 fleire digitale abonnentar
Trenden med stadig fleire heildigitale abonnentar held fram. 1. halvår 2025 valde 350 abonnentar digital avis. 1. halvår i år har det auka til 431. Det gir 81 fleire digitale abonnentar.
Annonse
Komplett, der ein har papiravis, nettavis og e-avis, gjekk naturleg nok ned når fleire valde digitalt abonnement. 1. halvår 2026 har me 1.135 komplette abonnentar. På same tid i fjor var talet 1.205.
Vil du bli abonnent? KLIKK HER
Gode tal for lokalavisene
Det som også er veldig kjekt, er at nesten alle lokalavisen i vårt distrikt har plusstall. Størst auke med 332 nye abonnentar har vår samarbeidsavis Grannar som dekker kommunane Etne og Vindafjord.
Annonse
Tala for 1. halvår viser at lokalavisene står sterkt blant folk over heile landet. Det er særleg den digitale veksten som held fram mellom lokalavisene. Den samla digitale veksten er på over 12 prosent blant Landslaget for lokalaviser (LLA )sine 130 medlemsaviser – frå 1. halvår i fjor til same tid i år. Den totale opplagsveksten er på over to prosent.
Generalsekretær Tomas Bruvik i LLA gler seg over at lokalavisene står så sterkt:
– Lokalavisene byr på truverdig, redaktørstyrt og lokal journalistikk som engasjerer folk. Dei nye opplagstala viser at folk set stor pris på jobben som lokalavisene gjer, seier Bruvik.
Nokre av avisene i vårt område:
Annonse
Her er resultata for nokre av dei lokale avisene med 1. halvår 2025 i parantes:
Grannar: 3.853 (3.521) +332
Tysvær Bygdeblad: 2.226 (2.214) +12
Ryfylke: 2.436 (2.288) +149
Suldalsposten (rein nettavis): 2.555 (2.465) +90
Karmøynytt (rein nettavis): 2.134 (1.973) +161
Bømlo-Nytt: 4.008 (4.036) -28
Stord24 (rein nettavis): 1.810 (1.699) +111
Sunnhordland: 7.773 (7.604) +169
Haugesunds Avis: 20.478 (20.338) +140