nyhende
Bao buns kallast tilbake frå Coop-butikkar over heile landet
Geia Food AS kallar tilbake produktet «Bapao Beef» (115 g) fordi det ikkje er trygt å ete.
Dei asiatiske dampa bollane, også kjent som steam buns eller bao buns, har vore selde i Coop-butikkar over heile landet.
Årsaka til at produktet blir fjerna frå marknaden er ein mikrobiologisk risiko som gjer at produktet ikkje er trygt, opplyser Mattilsynet i ei pressemelding.
Tilbakekallinga gjeld følgjande parti med best før-dato: 05.09.2026, 17.12.2026, 13.02.2027 og 08.04.2027.
Kundar som allereie har kjøpt bollane, blir oppmoda til å kvitte seg med dei eller returnere dei.