«Gyda» er på veg mot Vestlandet

NPK-NTB: Dei største nedbørsmengdane er venta litt lengre nord på Vestlandet, men Meteorologisk institutt har sendt ut oransje farvearsel for flaum og jordskred også i Sveio, og gult farevarsel for nedbør.

Eksremvêret har fått namnet Gyda.

Rådgivende Ingeniørers Forening åtvarar mot rask is- og snøsmelting som kan føre til flaum i tettbygde strøk.

– Dersom vi får svært rask snøsmelting, kan vi risikere lokale flaumar i tettbygde strøk fordi dei naturlege vatn- og flaumvegane er dekte av store mengder kompakt måkesnø og isblokker, seier Bård Alsaker, leiar for ei ekspertgruppa innanfor vass- og miljøteknikk i Rådgivende Ingeniørers Forening.

Særleg veggrøfter og avløpssluk i tettbygde strøk er ein del stader dekte av knallhard, frosen snø etter snømokinga så langt i vinter. Dermed er dei naturlege flaumvegane stengde, og vatnet hamnar i vegen i staden.

– Då kan ein få lokale, unaturlege flaumbasseng, som igjen kan føre til vass-skadar og ingen tilgang til eigedommane i periodar. Vi tilrår derfor huseigarar til å vurdere eigedommane sine og sjekke korleis snøsmeltinga vil verke inn hos dei. Vi tilrår òg å opne avløpsvegar som stikkrenner, kummar, innløpsrister og liknande for å sikre at vatnet får fri passasje, seier Alsaker.