nyhende

Her er deltakarane frå Sunnhordland som var med på festen. Framme frå venstre: Maren Rydland, Øverbygda 4H (Fitjar), Harald Rydland Sæbø, Øverbygda 4H og Mia Grimen, Øverbygda 4H. Bak frå venstre: Kari Haara Matre, Lid 4H, Kajsa Joelsson, Øverbygda 4H, Olav Skarveland, Lid 4H, Mads Haugan Våga, Lid 4H, Adina Rydland, Øverbygda 4H og Melissa Kristin Maraas, Øverbygda 4H.

Vassbrekko Foto

Seks frå Sveio fekk plakett

4H Hordaland feira ungdom frå heile fylket då dei arrangerte plakettfest laurdag 7. november i Kløvertun på Os.

Ellen Marie Hagevik Ellen Marie Hagevik Redaktør

Publisert 15.11.2026 - 14:29

Plaketten er det synlege beviset på at eit 4H-medlem er ferdig med 4H-programmet. Han eller ho er då 18 år, og har vore aktiv i minst fire til sju år i 4H-klubben sin.

I løpet av desse åra har medlemmane fått godkjent ulike prosjekt, og gjennomført mange aktivitetar, leirar og kurs. Fleire av medlemmane har fått opplæring i styreverv, og vore aktive i sitt klubbstyre eller fylkesstyre.

I år fekk 52 medlemmer plaketten, av dei kom 36 plakettmottakar frå heile fylket saman med familie og venner på festen. Seks av dei som fekk plakett er frå Sveio:

Lid 4H: Linnea Bergesen, Kari Haara Matre, Olav Skarveland og Mads Haugan Våga. Sisu 4H: Jonas Horneland og Tomas Lier.

Annonse

Erika Nyborg (Hjorten 4H) hadde biledeframsyning og informasjon om USA-utveksling. Astrid Byrkeland Lunestad (Ivrig 4H), som er forelder til ein plakettmottakar, og fylkesstyreleiar Espen Aaserød heldt talar. Den høgtidlege utdelinga av vitnemål og plakettar var det ordførar i Bjørnafjorden kommune, Terje Søviknes, som sto for.

kløvertun sisu 4h plakettfest nyhende lid 4h 4h hordaland