Sluttar i Sveio IL – klar for nye utfordringar

Det eit år sidan Vestavind skreiv at Thorsen var tilsett som dagleg leiar etter Lillian Rommetveit. Han starta i jobben 1. desember 2025, og har siste arbeidsdag 31. januar 2027. Dagen etter er han på plass i den nye jobben. Også den for eit idrettslag.

– Eg har fått jobb som administrativ leiar for fotball i Sagene idrettsforening. Det er ei stilling der eg får mogelegheit til å utvikla meg enno meir, seier Thorsen.

Blir vemodig å slutta

Han har trivdes veldig godt i Sveio, og kjenner at det blir vemodig å slutta.

– Det er mange fine folk i og rundt klubben, og i andre idrettslag rundt oss. Eg skulle gjerne følgd arbeidet med endring og utvikling vidare i Sveio IL, men kunne ikkje takka nei til mogelegheita som baud seg i Sagene, seier den avtroppande daglege leiaren.

Les også:

Trønder blir ny leder i Sveio IL

Jakta på ny dagleg leiar er i gong

Styret i Sveio IL er veldig nøgd med jobben Thorsen har gjort.

– Håkon har jobba med viktige satsingsområde for klubben, som til dømes bygging av ny hall og rehabilitering av grasbanen. Det er synd for oss som klubb å mista han, samtidig er me veldig glade for at han har fått ei mogelegheit til å utvikla seg vidare, seier styreleiar Ingrid Våge.

Klubben er i full gong med tilsetting av ny dagleg leder. Sjølv om annonsa nettopp blei lagt ut, har har dei allereie fleire søkarar.

– Planen er å gjennomføra intervju i desember. Me oppfordrar særleg lokale til å søka. Dersom nokon vil vita meir om stillinga, er det berre å ta kontakt, seier Våge.

Under finn du noko av det Håkon Kvarme Thorsen har fronta i Vestavind i løpet av det siste året:

Vil starta gåfotball i Sveio: – Her må me vera først

Håper å få liv i Kiwi-cup igjen

Skuffet over kommunen