nyhende

Emiljan Andreas Rand Siglen tok ein tur på SUP-brettet. Han syns også det var varmt i vatnet.

Solgløtt på Solgry

Førde ungdomslag inviterte i år som i fjor til gratis aktivitetsdag på Solgry, denne gongen tysdag 30. juni. Ventelista var lang til det populære tilbodet, og dei heldige deltakarane blei velsigna med sol og opphaldsvêr.

Publisert

Tidlegare år har Førde ungdomslag arrangert ferieaktivitetar saman med Frivilligsentralen i Sveio. I år arrangerte dei for enkelheits skuld ferieaktivitetar kvar for seg og til ulike tider. Midlar frå Gjensidigestiftelsen gjer det mogleg å tilby aktivitetane gratis! 

Tiltaksrik trio

Linda Sæverhagen, Vibeke Helgesen og Annette Hammer Nerland i Førde ungdomslag har i fleire år skapt liv og aktivitetar for dei unge i Førde og Sveio. Solgry og Kongeparken har vore på ferieaktivitetslista fleire år. Zunos leikeland, St. Hans-feiring og fellesvisning av VM-kampen mellom Noreg og Frankrike var nytt i år.

Trioen tek eitt år av gangen, men ser ikkje vekk i frå at det blir ferieaktivitetar òg til neste år.

Vibeke Helgesen, Linda Sæverhagen og Annette Hammer Nerland, her representert ved dotter Sina Elise Nerland (i front), er primus motor for sommaraktivitetane til Førde ungdomslag.
Isabella Rand, Runa-Marthea Rand Siglen, Amalie Sæverhagen og Tuva Elise Haukås Eriksen meinte vatnet var godt og varmt og hoppa gladeleg uti.
Isabella Rand, Runa-Marthea Rand Siglen, Amalie Sæverhagen og Tuva Elise Haukås Eriksen under vatn.
Dei badande blei godt passa på frå land.
Hans Ole Hidle (bak t.v), Severin Alvseike, Alexandra Westergaard Hidle, Jenny Westergaard Bøe, Rly Andre Bøe, Hans Ole Strand og Ola Strand var svært nøgd med arrangementet til Førde ungdomslag.
Fotball var populært blant mange av deltakarane.
Frå fotballbana kan ein sjå rett ned på badeanlegget på Moldbrekkvatnet.
Manal Marie (t.v), Kristine Omvik, Emilie Omvik Horneland, Lisa Haavarsen, Ruth Haavarsen, Thea Omvik Horneland og Olai Haavarsen ladar opp til ein ny runde med aktivitetar.
Vilja Eskevik Langeland (t.v), Amalie Alsaker Lokna, Aud Lillian Alsaker, Nora Alsaker Lokna og Morten Grinde Vikse tek ein pust i bakken etter ein time med aktivitetar. Gokart blei trekt fram som favoritt.
Sina Elise Nerland nyt grillmat medan Amalie Sæverhagen, Tuva Elise Haukås Eriksen og Lana Alzobaidi passar på grillen. Heile 60 burgarar skulle grillast!
Olai Haavarsen og Ola Strand tok ein runde minigolf. Begge hevda dei var best.
Uteaktivitetane til Førde Ungdomslag har vore velsigna med godt vêr.
Dei påmeldte samla til informasjon før gokartkøyring.
Sikkerheit står i høgsetet når ein skal køyre fort med gokart.
Lukas Sæverhagen klar til køyring.



Full gass på gokartbana!
Powered by Labrador CMS