Stenger Bømlafjord­tunnelen for å øva på bilulykke

Øvinga tar utgangspunkt i ein kollisjon og røykutvikling med tre bilar involvert. Før øvinga skal det riggast i tunnelen, og det blir kolonnekøyring mellom klokka 23.00 og 00.00 den 7. september, skriv Statens vegvesen i ei pressemelding.

Stenger tunnelen

Sjølve øvinga startar klokka 00.00 natt til 8. september, og då blir Bømlafjordtunnelen heilt stengt. Frå nødetatene deltek politi og brannvesen. I tillegg kjem Røde Kors med markørar og beredskapsambulanse.

Øvinga vil vara rundt ein time og har fokus på:

• Trippelvarsling, inklusiv tverrfaglig samvirke på nødnett.

• Felles situasjonsforståing ved bruk av kommunikasjon, samhandling og samvirke med Vegtrafikksentralen.

• Felles situasjonsforståing og beslutningstaking knytt til røykspreiing, ventilasjonsstrategi og innsats i tunnel

• Testa beredskapsplanverket og sikkerheitsutrustning i tunnel.