Ventar framleis på gul midtstripe

Det melder NRK, som omtalte saka fyrst.

– Alle riksvegar i Noreg skulle ikkje berre vera seks meter. Mange skulle også bli 8,5 meter. Dette var ei viktig satsing, spesielt for Distrikts-Noreg. Innan 2019 skulle det berre stå att 890 kilometer med riksvegar utan gul stripe. Slik gjekk det ikkje, skriv statskanalen , som peikar på at det framleis står mange «flaskehalsar» att. Altså «stader der det rett og slett korkar seg.»

Politisk vilje

Bård Hoksrud (Frp) sat sin første periode i Transport- og kommunikasjonskomiteen frå 2005 til 2009, og er i dag leiar av komiteen. Han seier til NRK at det heile handlar om politisk vilje.

– For å få til gul midtstripe må du fleire stader bruka ganske mange pengar. Dermed blir det heller investeringar, fortel Hoksrud.

– Må ta tak i desse tinga

Liv Signe Navarsete var samferdsleminister for Senterpartiet i same periode og gjekk nyleg av som Statsforvaltar i Vestland. Ho trekkjer fram mangel på prioriteringar som årsak.

– Vi må ta tak i desse tinga, rett og slett. Det har alltid vore meir stas med nye, store prosjekt, enn å ta tak i eksisterande vegar. Det var ikkje mange som stod i kø for å komma på lista med utbetring av eksisterande vegnett då eg var samferdsleminister, seier Navarsete.

Har bygd breitt framfor langt

Forskar Kjell Werner Johansen hjå Transportøkonomisk institutt meiner på si side at fokuset dei siste 10–15 åra har vore på å byggja breitt.

– Ein har vore meir oppteken av å byggja store motorvegprosjekt med fire felt, i staden for å byggja langt. No har dei innsett at det går an å byggja lenger, seier han.