nyhende
Fosse-film opnar filmfestivalen i Haugesund
Fosse-filmen «Kjærast» opnar Den norske filmfestivalen 23. august. Det blir første gong publikum får oppleve nobelprisvinnaren sitt univers på det store lerretet.
Manuskriptet til «Kjærast» byggjer ikkje på Fosses litterære eller dramatiske utgivingar, men er ei originalhistorie skriven for film, frå seint 90-tal. Filmen blir omtala som ei ei sår, visuell og sterk historie om kjærleiken og krafta i lengten. Dette er også Fosses einaste originalskrivne spelefilmmanus.
I hovudrollene ser me Leo Magnus de la Nuez og Kristi-Helene Engeberg, og det er Eirik Poppe som har regien. Filmen har norgespremiere over heile landet 18. september.
