nyhende
Varslar kolonne gjennom Bømlafjordtunnelen
Skal du gjennom Bømlafjordtunnelen dei neste dagane, må du rekna med litt ventetid.
Statens vegvesen har varsla at det blir vegarbeid i tunnelen dei neste dagane. I samband med dette blir det manuell dirigering gjennom tunnelen.
– Det blir kontinuerleg kolonnekøyring med leiebil gjennom tunnelen, seier praktisk tunnelforvaltar i Statens vegvesen, Karoline Bakken Bråthen.
Ifølgje Bakken Bråthen er det rutinemessig vedlikehald på det elektriske anlegget i tunnelen som fører til kolonnekøyringa. Arbeidet går føre seg på nattestid mellom klokka 22.00 og klokka 05.30 tysdag, onsdag og torsdag.
– Me prøver å vera til minst mogleg bry, men her må trafikantane rekna med ventetid på opptil 40 minutt, seier Bakken Bråthen.