Haustmaknad og graskarutstilling

Her kunne ein kjøpa strikk, lappeteknikk, syltetøy, kort, Tupperware, Perfect home, fiskeslukar, nissar og øyredobbar med meir. Mange tok turen, og dei fleste utstillarane var nøgde med salet.

Utafor skulehuset stilte speidarane opp med bålpanne, pølser og pinnebrød og laga fin stemning. Bua kvinne- og familielag hadde kafe. Her gjekk det unna på kaker og vafler og kaffi og brus!

Og sidan marknaden var på halloween-dagen, var det invitert til utstilling av graskar. Nokre hadde tent på den ideen også.

Ein fin ettermiddag med god prat rundt kateborda.

Astrid Hovda